To : Batchmates
Date : 08 August 2007
Mao tabi ini an lista na nasa irarom san mga kabataan san batchmates ta na indadanonan ta san pagpaescuela kay an iba sini dire konta mamagpakaescuela dahil sa dire nira kaya. An iba naman nakabatog na kaya lang pawot an magurang kay may namag-erescuela man na iba na kabataan. An danon ta sa kanira mao an pagbayad san miscellaneous & ID fees kay mao man hak an inbabayadan sa Bulusan High School or Laboy na ingagahoy kay public school yun. An 3 na nag-enrol sa Jose S Reyes Memorial Institute (JSRMI) kay may tuition fees, insabihan sira na an ikadanon na halaga pareho san danon sa namag-escuela sa Laboy para wara magdumot. Kita man an nagbakal san kanira school supplies kaupod na an school bags. May mga white t-shirts man na uniform na hinatag kita na hinatag man san ato iba na kaklase, may hale kan Ester Frago nan Alex Gabuyo.
Diyo pa man hak an nasabihan ko na batchmates ta tungkol sini na ato saday na proyekto kay thru text ko man hak sira nacontact. An kadaghanan na natext ko an mga nakaattend san ato reunion kay mao an naghatag sin mga cell phone numbers nira. Makaoogma man kay mga very willing man magdanon maski ngani yadto na diyo man hak an income. An saday na halaga na hale sa puso mao an importante kay maski diyo, an Mahal Na DIOS an napuno san kakulangan. An iba na nagpledge diri nakahabol magpadara san ambag nira kay may iba na priority na pangangaipo sa pamilya nira, pero maambag sira sa masunod kay ipadagos ta ini na proyekto every year.
An total amount na nasolicit ko bale P10,600.00. Ang mga donors mao sira: Nerio Garalde, Mario Gallor, Joey Frades, Eden, Lope Galindes nan Adelmo Gonzales. Si Nerio kay financially blessed kay seaman, medyo dako na halaga an hinatag. Aram ko na kun naipaaram ko an proyekto sa kadaghanan, mas dako an naging pundo ta. An cuarta na hale kan Nerio, Mario nan Adelmo, hinulog nira sa personal bank account ko kay wara pa man kita sadiri na bank account. Sa niyan tabi, mayon pa kita natutuda sa bank account ko na P4,010.00. An kan Joey nan Lope, diretso kan Helen Furo-Mendizabal inhatag. Inhahatagan ko na lang si Helen kun may kaipuhan na bayadan o bakalon kay siya an nag-aasikaso san intero didto sa Bulusan. An detalye san expenses ipapost ko na hak pagnakumpleto na ni Helen kay an iba bag-o na hak kuno mag-exam an pagbayad nan iklaro pa niya an sa mga nakaenrol sa JSRMI. Masakit daw pan-o icontact lalo an taga San Jose kay inpapatugunan pa niya, awat makaabot kaniya an simbag.
Kun ingkaso may mga ambagan pa sira sa escuelahan na diri kaya san magurang, pwede man na danonan ta uli, depende, pero inklaro sa kanira na mao hak yadto na namention ko sa taas an kaya ta idanon. An school shoes nga nira, nagmag-ayo pa konta, kaya lang di ta pa man kaya kay mahal. Bagaw ko, kon sin-o an may mga old shoes na gusto idonate, mahabo baya. Kun may gusto tabi saiyo mag-ambag para sa proyeto na ini, pwede mag-ambag maski kan-o. Itext hak tabi ako sa 09067293726 (TM). Paminsan-minsan, ipapost ko kun nagdadagdag an funds ta, pero diri ko imention kun pera an ambag san kada donor kay sa imud ko diri dianis. Di ta man konta dapat igparabalangibog an mga ugay ta, pero kun makainspire ini sa iba na tawo para irogon an inhihimo ta para sa kaayadan san iba, pamati ko puwede man. Dire ko aram kun naghihimo man sini an iba na batch sa elementary or high school, pero an wish ko na sana may maghimo man sini kay kadianis na legacy. Saday hak ini na proyekto ta dire irog san iba na organisasyon na pang college na, pero malay ta kun umabot an panahon na kayahon ta man yun sa grasya san Mahal Na DIOS. Sabi nga baga, With GOD, nothing is impossible and when we do our best, GOD does the rest.
Let us then continue to share our blessings generously, for it is in sharing that we are blessed more. Thank you very much to all those who generously share their gifts, not only in terms of financial and material help, but also their efforts, talents, etc. To Joey, who has shown enthusiastically his support, salamatonon tabi! To Helen, who attends single-handedly to the needs of the students, big thanks! To Charlie, who painstakingly created the blogsite for our batch, muchas gracias! To all the donors, to those who in one way or the other have helped and to those who pray/wish for the success of our project, maraming salamat! Mabuhay tabi kamo! May our ever good LORD bless you all.
DECAY: Diri, Recto, nagpapasikrap ka man saako sadto?
Ini si Maning daghan ini kabeses naging best supporting actor kaya lang insasadidri lang niya niya an script. Niyan lang pagsabi na kaya siya naguupod sa pagbisita sadto kay... 
DECAY: Diri, Recto, nagpapasikrap ka man saako sadto?
Ini si Maning daghan ini kabeses naging best supporting actor kaya lang insasadidri lang niya niya an script. Niyan lang pagsabi na kaya siya naguupod sa pagbisita sadto kay... 
He ran as fast as he could up the path. He looked over his shoulder & saw that the bear was closing in on him. He looked over his shoulder again, & the bear was even closer. He tripped & fell on the ground. He rolled over to pick himself up but saw that the bear was right on top of him, reaching for him with his left paw & raising his right paw to strike him.
